ლეგენდარულ ქართველ კალათბურთელს, გივი ბიჭიაშვილს 70 წელი შეუსრულდა.

დღეს, სასტუმრო „ქორთიარდ მარიოტში“ საქართველოს კალათბურთის ფედერაციის მიერ ორგანიზებულ შეხვედრაზე, ბიჭიაშვილს საქართველოს სპორტის რაინდის წოდება მიენიჭა.

დინამო თბილისის ყოფილ კაპიტანს ჯილდო საქართველოს სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა გადასცა.

დღესვე, ფედერაციის მიერ გამოცემული წიგნის პრეზენტაცია შედგა. წიგნში 2015-2016 წლების სეზონების ყველა მნიშვნელოვანი საკალათბურთო მოვლენაა აღბეჭდილი.