ავსტრიის საგარეო საქმეთა მინისტრი სებასტიან კურცი გამოდის ინიციატივით, მიგრანტების მისაღებად ევროპული ცენტრები შეიქმნას.
მინისტრი ერთ-ერთ ქვეყნად, სადაც, შესაძლოა, მსგავსი ცენტრი შეიქმნას, საქართველოსაც ასახელებს.
„ჩვენ გვჭირდება ლტოლვილებისთვის ცენტრები ევროკავშირის ფარგლებს გარეთ, რომელიც გაკონტროლდება გაეროს ლტოლვილთა უმაღლესი კომისრის მიერ. სად განთავსდება ეს ცენტრები, მნიშვნელობა არ აქვს. მნიშვნელოვანია, რომ ის ადამიანები, როლებიც ევროპაში უკანონოდ შესვლას ცდილობენ, ამ ცენტრებს გადაეცემა.
აღნიშნული ცენტრები, შესაძლოა, განთავსდეს ისეთ ქვეყნებში, როგორიცაა ეგვიპტე, საქართველო, ან დასავლეთ ბალკანეთის ერთ-ერთ ქვეყანაში“,- განაცხადა მინისტრმა Bild am Sonntag-თან ინტერვიუში.
კურცმა კიდევ ერთხელ გააკრიტიკა გერმანიის კანცლერის, ანგელა მერკელის საემიგრაციო პოლიტიკა.
ცნობისათვის, ევროპა მეორე მსოფლიო ომის შემდეგ ყველაზე სერიოზულ მიგრაციის კრიზისს განიცდის, რომელიც პირველ რიგში გამოწვეულია შეირაღებული კონფლიქტისა და ეკონომიკური პრობლემებით ახლო აღმოსავლეთსა და ჩრდილოეთ აფრიკაში.