ადამიანის ფუნდამენტური უფლებების შელახვის მორიგი ფაქტი. ოკუპირებული სოხუმის გადაწყვეტილებით, ნაბაკევი-ხურჩა და ოტობაია-ორსანტიას ე.წ. გადასასვლელები ჩაიკეტა.

გალის რაიონის დაბალი ზონის სოფლებიდან ენგურის ხიდამდე გზა 40 კილომეტრით გაიზარდა.

მოქალაქეები შიშობენ, რომ მალე, შესაძლოა, კიდევ ერთი საბერიო – ფახულანის ე.წ. პუნქტიც დაიკეტოს, რაც მათ თითქმის სრულ იზოლაციაში მოაქცევს.

ოფიციალურმა თბილისმა საკითხი 2 კვირის წინ გალის მოლაპარაკებებზე დააყენა.

რუსეთის ფედერაციას პროვოკაციული ქმედებების შეწყვეტისკენ მოუწოდა საქართველოს საგარეო საქმეთა სამინისტრომაც, თუმცა უშედეგოდ.

ჯერი ახლა საერთაშორისო თანამეგობრობის გამოხმაურებაზეა.