ლარი გამყარებას განაგრძობს. ბლუმბერგის ელექტრონულ სავაჭრო სისტემაში, დღის განმავლობაში ერთი დოლარი ორ ლარად და 42 თეთრადიც ღირდა, შემდეგ კი 45 თეთრამდე ავიდა. ბოლო 10-12 დღის განმავლობაში, ეროვნული ვალუტა დოლართან მიმართებაში დაახლოებით 16 თეთრით გამყარდა.
ლარის მყისიერი გამყარების პარალელურად, სავალუტო ჯიხურებში მოქალაქეები დოლარს მასობრივად ახურდავებენ.
ეკონომისტები განმარტავენ, რომ ლარის გამყარების მთავარი მიზეზი, რეფინანსირების სესხზე განაკვეთის გაზრდაა.
ამ ტენდენციის შენარჩუნება კი ახლა ეროვნულ ბანკზე და მის გადაწყვეტილებებზეა დამოკიდებული. მათი ვარაუდით, თუ სესხის მოცულობა კვლავ გაიზრდება, ეროვნული ვალუტა გამყარებას განაგრძობს.
ანალიტიკოსები ეროვნული ვალუტის პოზიციების გაძლიერებას, ზამთრის სეზონზე ტურისტების რაოდენობის ზრდით ხსნიან.