თბილისს, დღეს, ნატო-ს სამხედრო კომიტეტი ეწვევა. კომიტეტის წევრები თბილისის საერთაშორისო აეროპორტში 14 საათზე ჩამოფრინდებიან, სადაც ვიზიტის მნიშვნელობაზე კომენტარს ნატო-ს სამხედრო კომიტეტის თავმჯდომარე, გენერალი პეტრ პაველი გააკეთებს.
ვიზიტის ფარგლებში დაგეგმილია შეხვედრები თავდაცვის მინისტრთან, საქართველოს პრეზიდენტთან და პრემიერმინისტრთან.
თავდაცვის უწყებაში ქართული მხარე ნატო-ს სამხედრო კომიტეტის წარმომადგენლებს გაფართოებულ ფორმატში შეხვდება. აუდიენციის შემდეგ ლევან იზორია და გენერალი პეტრ პაველი ერთობლივ პრესკონფერენციას გამართავენ.
დღესვე დაგეგმილია შეხვედრა ნატო-საქართველოს წვრთნისა და შეფასების ერთობლივ ცენტრში. ვიზიტის ფარგლებში კომიტეტის წარმომადგენლები გორში დავით აღმაშენებლის სახელობის საქართველოს ეროვნული თავდაცვის აკადემიას ესტუმრებიან.
ნატო-ს სამხედრო კომიტეტის ვიზიტი საქართველოში 2 დღეს გასტანს