ხელისუფლებისგან მეტ ყურადღებას ითხოვენ იშვიათი დაავადებების მქონე მოქალაქეები. ზოგიერთი მათგანის მკურნალობას სახელმწიფო ნაწილობრივ აფინანსებს, თუმცა რჩებიან ისეთი პაციენტებიც, რომელთაც მკურნალობა მხოლოდ საკუთარი სახსრებით უწევთ. მათ შორის არიან ფილტვის იშვიათი დაავადების მქონე მოქალაქეები.
ჯანდაცვის სამინისტროს გადაწყვეტილებით, მათ მკურნალობას სახელმწიფო 80%-ით დააფინანსებს. ამ დაავადებების მქონე მოქალაქეები ამბობენ, რომ მართალია, სიახლე მათთვის მნიშვნელოვანი შეღავათია, მაგრამ ბევრისთვის დარჩენილი 20%-ის გადახდაც პრობლემაა, რადგან საქმე ძვირად ღირებულ მედიკამენტებს ეხება.
რა სტრატეგია აქვს ხელისუფლებას იშვიათი დაავადებების მქონე პაციენტების დასახმარებლად და რა მოთხოვნები აქვთ დაავადებულებს - მანანა გიგინეიშვილის რეპორტაჟი.