სკანდალური განცხადებების შემდეგ ჭყონდიდელი მიტროპოლიტი გამომძიებლების შეკითხვებს პასუხობს. მეუფე პეტრე ამ დრომდე მთავარ პროკურატურაში რჩება.
როგორც ირკვევა, მამა გიორგი მამალაძემ გუშინდელი დაკითხვის დროს რამდენიმე გვარი ახსენა. თუმცა მიტროპოლიტი გამორიცხავს, რომ საგამოძიებო უწყებაში შესაძლოა დაკავებული დეკანოზის ჩვენების გამო იყოს დაბარებული.
მეუფე პეტრე ერთ-ერთია იმ სასულიერო პირებს შორის, რომელიც მკვლელობის მომზადებაში ბრალდებულ დეკანოზს ციხეში შეხვდა.
მიტროპოლიტს მამა გიორგი მამალაძის ბრალეულობის არ სჯერა და მას პროვოკაციის მსხვერპლად მიიჩნევს. ამ კონტექსტში მეუფემ არაერთხელ ისაუბრა პატრიარქის მდივან-რეფერენტის გავლენებსა და ჩრდილოვან მმართველობაზე.
ჭყონდელი მიტროპოლიტი ვარაუდობს, რომ პროკურატურაში გამოძახება სწორედ მის ხმამაღალ განცხადებებს უკავშირდება.