დღის წესრიგში დგება პრეზიდენტის კიდევ ერთი უფლებამოსილების შესაძლო შეზღუდვის საკითხი. საკონსტიტუციო კომისიის ერთ-ერთი სამუშაო ჯგუფი იმ ინიციატივაზე იმსჯელებს, რომლის მიხედვით სახელმწიფოს მეთაურს შესაძლოა უზენაესი სასამართლოს მოსამართლეობის კანდიდატების წარდგენის უფლება ჩამოერთვას.

წინადადების ავტორი ამ დრომდე არ სახელდება. იდეის გარშემო აზრთა სხვადასხვაობაა. განსაკუთრებით მწვავეა მესამე სექტორის პოზიცია. უთანხმოება მოჰყვა იმ ინიციატივასაც, რომელიც ქვეყნის საგარეო კურსის საკონსტიტუციო დონეზე განსაზღვრას ეხება.