საქართველოს 20 წლამდე კალათბურთელთა ნაკრების წარმატება ესტონეთში. ნიკოლოზ ჩერქეზიშვილის გუნდმა ტალინში დასრულებულ ევროპის ლიგის მესამე ეტაპზე, ხუთიდან ხუთი მატჩი მოიგო და ოთხთა ფინალის საგზური მოიპოვა.

ქართველებმა დასკვნით შეხვედრაში მოსკოვის ოლქის გუნდი ხიმკი დაძაბულ ბრძოლაში, ანგარიშით 66-63 დაამარცხეს.

აღსანიშნავია, რომ მესამე ეტაპის საუკეთესო მოთამაშედ, ჩვენი ნაკრების ერთ-ერთი ლიდერი, დავით აფხაზავა დაასახელეს.

საქართველოს 20 წლამდე ნაკრები ევროპის ლიგის ტიტულისთვის მოსკოვში იბრძოლებს.

ოთხთა ფინალი აპრილში ჩატარდება