მანჩესტერ იუნაიტედი, ინგლისის ლიგის თასის მფლობელია. ჟოზე მოურინიუს გუნდმა ფინალში საუთჰემპტონი დაამარცხა.

ლეგენდარულ უემბლიზე გამართული შეხვედრა უხვგოლიანი და საინტერესო გამოვიდა.

მანჩესტერელები იბრაჰიმოვიჩის და ლინგაარდის გოლებით 2-0-ს იგებდნენ, თუმცა ტაიმის მიწურულს, გაბიადინიმ ერთი ბურთი გაქვითა.

შესვენების შემდეგ, გაბიადინიმ მეორედ აიღო დე ხეას კარი და დუბლი გაიფორმა. თითქოს თამაში დამატებული დროისკენ მიდიოდა, თუმცა იუნაიტედს იბრაჰიმოვიჩმა მოაგებინა.

შვედმა ფორვარდმა 87-ე წუთზე გამოიჩინა თავი და შეხვედრის საბოლოო შედეგი დააფიქსირა, 3-2 მანკუნიანელების სასარგებლოდ.

მანჩესტერმა არსებობის ისტორიაში მეხუთედ მოიგო ინგლისის ლიგის თასი.