საკანონმდებლო ორგანო ფარული საგამოძიებო მოქმედებების შესახებ ინიცირებული პროექტის განხილვას რიგგარეშე სესიის ფორმატში გააგრძელებს.
ე.წ. ფარულ მოსმენებთან დაკავშირებული კანონპროექტი დეპუტატებმა ორი მოსმენით უკვე მიიღეს.
საკანონმდებლო ორგანოს საკონსტიტუციო სასამართლოს გადაწყვეტილების სისრულეში მოსაყვანად ვადა 1 აპრილამდე აქვს.
კანონპროექტის კანონად ქცევისათვის ახლა მესამე მოსმენით მისი დამტკიცებაა საჭირო.
უმრავლესობის მიერ ინიცირებული ცვლილებები მიუღებელია საპარლამენტო ოპოზიციისათვის. უმცირესობა ხელისუფლებას უკანონო მოსმენების გაგრძელებაში ადანაშაულებს.
მმართველ გუნდში კი ოპონენტების კრიტიკას არ იზიარებენ და აცხადებენ, რომ მათ მიერ შემუშავებული კანონპროექტი ადამიანის უფლებების დაცვასა და ქვეყნის უსაფრთხოებას უზრუნველყოფს.