თურქულ შეკრებაზე მყოფმა თბილისის დინამომ მორიგი ამხანაგური მატჩი მოიგო.

დინამოელებმა ბელორუსის წამყვანი კლუბი ბორისოვოს ბატე ანგარიშით 2-0 დაამარცხეს.

დინამომ პირველი გოლი მე-19 წუთზე გაიტანა. დანიშნული თერთმეტმეტრიანი, ზუსტად ბექა მიქალთაძემ შეასრულა. 82-ე წუთზე კი ეფექტური კომბინაცია ბაჩანა არაბულმა გოლად გარდასახა.

აღსანიშნავია, რომ ბატეს ძირითად შემადგენლობაში იყო საქართველოს ნაკრების ნახევრამცველი, ვაკო გვილია, რომელიც 30-ე წუთზე შეცვალეს.

კახა კაჭარავას გუნდი მორიგ ამხანაგურ შეხვედრას 25 თებერვალს, რუსული პრემიერლიგის კლუბ ტულის არსენალის წინააღმდეგ ჩაატარებს.