საქართველომ შესაძლოა ზამთრის სპორტის რომელიმე სახეობაში მსოფლიო ჩემპიონატს უმასპინძლოს.

საქართველოს პრემიერმინისტრმა გიორგი კვირიკაშვილმა დღევანდელ მთავრობის სხდომაზე შვეიცარიაში ვიზიტის შესახებ ისაუბრა, რომლის დროსაც შეხვედრები გამართა, საერთაშორისო ოლიმპიური კომიტეტის და სათხილამურო სპორტის საერთაშორისო ფედერაციის პრეზიდენტებთან.

პრემიერის განცხადებით, არ არის გამორიცხული, უახლოესი ხუთი წლის განმავლობაში ჩვენმა ქვეყანამ განაცხადი შეიტანოს, ზამთრის რომელიმე სახეობის მსოფლიო ჩემპიონატის ფინალური ტურნირის მასპინძლობაზე, ეს შეიძლება იყოს ფრისტაილი, სნოუბორდი ან რომელიმე სხვა სახეობა.