„ეროვნული ფორუმის“ წევრი ავთანდილ დავითაძე შვილის ცემაში ვაკე-საბურთალოს პოლიციის უფროსს გიორგი გალდავას ადანაშაულებს.
პოლიტიკოსის მტკიცებით, გიორგი დავითაძეს გვიან ღამით პოლიციის უფროსი ფიზიკურად გაგარინის პოლიციის ქვეგანყოფილებაში გაუსწორდა. დაზიანებების გამო, ის საავადმყოფოში გადაიყვანეს.
"ეროვნული ფორუმის" წევრის განცხადებით, მისი შვილი პოლიციის ქვეგანყოფილებაში მეგობრების მოსანახულებლად იყო მისული, რომლებიც დაკითხვაზე იმყოფებოდნენ, ხოლო მას შემდეგ, რაც ის გიორგი გალდავამ იცნო, თავის კაბინეტში აიყვანა და იქ ფიზიკურად გაუსწორდა.
მომხდარს ადვოკატი და დაზარალებულის მეგობრები ადასტურებენ. ავთანდილ დავითაძემ საქმეზე გამოძიების მოთხოვნით, განაცხადი გენერალურ ინსპექციაში შეიტანა, ის ასევე შინაგან საქმეთა მინისტრ გიორგი მღებრიშვილს გიორგი გალდავას თანამდებობიდან გათავისუფლებისკენ მოუწოდებს.
პოლიტიკოსის მტკიცებით, გალდავასგან ეს პირველი შემთხვევა არ არის, როდესაც ის თავის უფლებამოსილებას ამეტებს და ადამიანებს ფიზიკურად უსწორდება.