გაზპრომის კუთვნილმა კომპანია 'საუზსტრიმ ტრანსპორტმა", "თურქული ნაკადის" სახელწოდებით ცნობილი გაზსადენის მეორე ხაზის მშენებლობაზე, ამსტერდამში კონტრაქტი გააფორმა კომპანია "ოლსის გრუპთან".

აღნიშნული კომპანია წყალქვეშა გაზსადენების მშენებლობის კუთხით, გლობალური დონეზე ერთ-ერთი ლიდერია და თურქული ნაკადის პირველ მონაკვეთსაც ის ააშენებს.

თურქული ნაკადი გაზპრომის პროექტია და ის 910 კილომეტრიანი გაზსადენის ჯერ თურქეთის ევროპულ ნაწილამდე, შემდეგ კი საბერძნეთამდე მშენებლობას ითვალისწინებს.

გაზსადენის პირველი მონაკვეთი, რუსულ ბუნებრივ აირს თურქეთს, მეორე კი - ევროპას მიაწოდებს.

თითოეული მონაკვეთის გამტარუნარიანობა წელიწადში 15.75 მილიარდი კუბური მეტრია.