გარდაცვლილი დიპლომატის ვიტალი ჩურკინის ხსოვნას რუსეთის საგარეო საქმეთა მინისტრმა სამინისტროს შენობაში პატივი მიაგო.
სერგეი ლავროვმა რუსი დიპლომატის სურათთან ყვავილები მიიტანა. დიპლომატის ხსოვნას პატივი მიაგო რუსეთში ვიზიტით მყოფმა შვედეთის საგარეო საქმეთა მინისტრმაც.
რუსეთის ელჩის გარდაცვალების გამო, გაეროს უშიშროების სხდომა დღეს წუთიერი დუმილით გაიხსნა. რუსეთის მუდმივი წარმომადგენელი გაეროში ნიუ-იორკში გარდაიცვალა.
დიპლომატი შეუძლოდ საკუთარ კაბინეტში გახდა. წინასწარი ინფორმაციით, გარდაცვალების მიზეზი გულის შეტევა გახდა. ვიტალი ჩურკინის ოჯახს მიუსამძიმრა ქვეყნის პრეზიდენტმაც.
გენერალურმა მდივანმა ანტონიო გუტიერეშმა მწუხარება გამოთქვა ელჩის გარდაცვალების გამო. რუსეთის საგარეო საქმეთა სამინისტროს სამძიმრის წერილი გაუგზავნა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ფედერიკა მოგერინიმაც. ვიტალი ჩურკინი დღეს 65 წლის გახდებოდა.