„ეი-ი-ეს თელასის“ ფინანსური მენეჯერის ნიკა ლომინაძის მამის განცხადებით, ნიკოლოზ ჩემიასა და გია გვიჩიანს მისი შვილის მკვლელობისთვის წლების წინ სასჯელი სამართლიანად შეუფარდეს.
როგორც „მოამბეს“ ნოდარ ლომინაძემ განუცხადა, ჩემია და გვიჩიანი დამნაშავეები არიან.
„მგონია, რომ მათი პირვანდელი სასჯელი სწორად ჰქონდათ შეფარდებული - დამნაშავეები არიან. რასაც ახლა ამბობენ, ეს ყველაფერი ზღაპრებია. ამის თქმის საფუძველს მაძლევს ის დოკუმენტაცია და ის პროცედურები, რაც წლების განმავლობაში იყო“,- განაცხადა ლომინაძემ.
11 წლის შემდეგ გია გვიჩიანი და ნიკოლოზ ჩემია თავისუფლები არიან. სააპელაციო სასამართლომ გააუქმა წლების წინ მიღებული გადაწყვეტილება და ჩემია და გვიჩიანი უდანაშაულოდ ცნო.
ისინი დარბაზიდანვე გათავისუფლდნენ.