ე.წ. ისლამური სახელმწიფოს მებრძოლებისგან აღმოსავლეთ მოსულის გათავისუფლების შემდეგ, ჯერი მდინარე ტიგრის დასავლეთით მდებარე დასახლებებზე მიდგა.

სახმელეთო ოპერაციის დაწყება ქვეყნის პრემიერმინისტრმა ჰაიბერ ალ-აბადიმ დაანონსა. პარალელურად კი ერაყში ისლამისტების წინააღმდეგ სტრატეგიის შემუშავებისა და ვითარების ადგილზე გასაცნობად, შეერთებული შტატების თავდაცვის მდივანი ჯეიმს მეტისი ჩავიდა, თუმცა პენტაგონის შეფს ერაყელების წინაშე პრეზიდენტ ტრამპის გამონათქვამების გამო განმარტებების გაკეთებაც უწევს.