ნიკოლოზ ბასილაშვილმა მემფისის „ეიტიპის” საჩოგბურთო ტურნირის ფინალში ითამაშა, სადაც სამწუხაროდ ამერიკელ რაიან ჰარისონთან წააგო.

პირველ სეტი ქართველმა 1-6 დათმო. მეორეში კი გაცილებით დიდი წინააღმდეგობა გაუწია მეტოქეს და რამდენიმე ბრეიკპოინტი ვერ გამოიყენა.

საბოლოოდ, ჰარისონმა 6-4 მოიგო და შეჯიბრის გამარჯვებული გახდა. რაც შეეხება ბასილაშვილს, ფინალში გასვლით მან 150 სარეიტინგო ქულა და 60 ათას 355 დოლარი გამოიმუშავა.

ქართველი ჩოგბურთელი, მსოფლიო რეიტინგში 14 საფეხურით დაწინაურდა და ამ ეტაპზე 53-ე ადგილს იკავებს.

ნიკოლოზ ბასილაშვილი მიმდინარე კვირაში დერლეი ბიჩის ტურნირზე იასპარეზებს. მისი პირველი მეტოქე ვეტერანი გერმანელი ტომი ჰაასი იქნება.