ქართველი მორაგბეების მორიგი გამარჯვება რაგბი ევროპის ჩემპიონატზე. ჩვენმა ნაკრებმა, გუშინ, რუსთავში გერმანიის ეროვნული გუნდი მიიღო და დიდი ანგარიშით 50-6 დაამარცხა.
მასპინძლები მთელი თამაშის განმავლობაში აკონროლებდნენ სიტუაციას და დიდ უპირატესობას ფლობდნენ. საქართველოს ნაკრებმა, მეტოქის ჩათვლის მოედანი შვიდჯერ აიღო. ორ-ორი ლელო კოშაძემ და გორგაძემ დადეს, თითოჯერ კი თავი თხილაიშვილმა, ფრუიძემ და შარიქძემ გამოიჩინეს.
4 გარდასახვა ზუსტად შეასრულა მერაბ კვირიკაშვილმა, რომელმაც ეროვნულ გუნდში თავისი მეასე შეხვედრა ჩაატარა. ერთი გარდასახვა კი მალაღურაძის ანგარიშზეა.
ორიდან ორი მოგებით ბორჯღალოსნები ჯგუფში პირველ ადგილზე არიან. მილტონ ჰეიგის გუნდი მორიგ შეხვედრას 4 მარტს, სტუმრად ესპანეთის წინააღმდეგ ჩაატარებს.