კონფლიქტების თავიდან არიდებისა და მშვიდობის ხელშეწყობის საკითხებზე მსჯელობენ გერმანიის ქალაქ ბონში ე.წ. “დიდი ოცეულის” საგარეო საქმეთა მინისტრების შეხვედრაზე.

საგარეო უწყების ხელმძღვანელების შეხვედრაზე განხილვის ერთ-ერთი მთავარი თემა სირიის ომია. გერმანიის საგარეო საქმეთა მინისტრის განცხადებით, აშშ მხარს უჭერს გაეროს ხელმძღვანელობით სირიის კონფლიქტის პოლიტიკური გზით მოგვარებას.

სამიტის ფარგლებში მრგვალი მაგიდის ფორმატის მოლაპარაკების გარდა, დიპლომატებმა ორმხრივი შეხვედრებიც გამართეს.