პარტია „ევროპული საქართველო" მოსმენების კანონთან დაკავშირებით, ხელისუფლებას ალტერნატიულ ვარიანტს სთავაზობს.
ოპოზიციური ფრაქცია დამოუკიდებელი ტექნიკური სააგენტოს შექმნის ინიციატივით გამოდის, რომელიც პარლამენტთან და პრემიერთან იქნება ანგარიშვალდებული.
ინიციატივის მიხედვით, მიყურადების განხორციელების დროს ე.წ. ორი გასაღების პრინციპი უნდა მოქმედებდეს. წვდომის ერთი საშუალება პერსონალურ მონაცემთა დაცვის ინსპექტორს, მეორე კი უზენაესი სასამართლოს მიერ სპეციალურად გამოყოფილ მოსამართლეს უნდა ჰქონდეს.
უმრავლესობაში საუკეთესო ვარიანტად საკუთარ ვერსიას მიიჩნევენ, თუმცა გარკვეულ ცვლილებებს არ გამორიცხავენ.
ინიციატივა საპარლამენტო უმცირესობის წევრებმა, დღეს, არასამთავრობო ორგანიზაციების წარმომადგენლებს გააცნეს.
შეგახსენებთ, საკონსტიტუციო სასამართლოს გადაწყვეტილების აღსასრულებლად, პარლამენტმა ცვლილებები არ უგვიანეს 31 მარტისა უნდა მიიღოს.