სახელმწიფო საკონსტიტუციო კომისია უკვე შვიდი საათია მსჯელობს კონსტიტუციის იმ თავზე, რომელიც პრეზიდენტს შეეხება.

დღევანდელ სხდომაზე რამდენიმე ინიციატივა განიხილეს, მათ შორის უშიშროების საბჭოს გაუქმების საკითხი.

წინადადების მიხედვით, უნდა არსებობდეს თავდაცვის საბჭო, რომელსაც პრეზიდენტი საომარი და საგანგებო მდგომარეობის დროს მიმართავს.

კომისიის წევრები განსხვავებულ პოზიციას აფიქსირებენ პრეზიდენტის უფლებამოსილებებთან დაკავშირებითაც.

ორმაგი მოქალაქეობა, ელჩის დანიშვნა, ვეტო, შეწყალების უფლება- არსებობს ინიციატივა, რომ ამ უფლებების განხორციელებისთვის პრეზიდენტს პრემიერმინისტრის კონტრასიგნაცია დასჭირდეს.

აღნიშნულ ინიციატივას ეწინააღმდეგება არასამთავრობო სექტორი.