პატიმრობაში მყოფ დეკანოზს, დღეს, ციხეში საქმის მასალები გააცნეს. სასჯელაღსრულების მე-9 დაწესებულებაში ადვოკატები რამდენიმე საათის განმავლობაში იმყოფებოდნენ.
მამა გიორგი მამალაძის ინტერესების დამცველების თქმით, ხელისუფლების პირველი პირები პროკურატურამ შეცდომაში შეიყვანა და სასულიერო პირი წარდგენილ ბრალში უდანაშაულოა.
ადვოკატები მათი დაცვის ქვეშ მყოფის უდანაშაულობის პრეზუმფციის დარღვევაზეც საუბრობენ.
ბრალდებული ამ დრომდე დუმილის უფლებით სარგებლობს. დაკავებულს, დღეს, საია-ს იურისტიც შეხვდა.
საპატრიარქოს ქონების მართვის სააგენტოს ხელმძღვანელის მოადგილე, გერმანიაში გაფრენამდე თბილისის აეროპორტში მკვლელობის მცდელობის ბრალდებით დააკავეს.
გამოძიების ცნობით, მის ბარგში ჩხრეკისას მომწამლავი ნივთიერება ციანიდი იპოვეს.