თბილისის საქალაქო სასამართლომ საქართველოს ოლიმპიური კომიტეტის საჩივარი დააკმაყოფილა, რის მიხედვითაც, გაუქმდა 2017 წლის 24 იანვრის განჩინებით გამოყენებული სარჩელის უზრუნველყოფის შესახებ ღონისძიება, რის გამოც შეჩერებული იქნა სეოკის, 2016 წლის 23 დეკემბრის საანგარიშო ყრილობის შედეგების რეგისტრაცია.

საქალაქო სასამართლოს აღნიშნული გადაწყვეტილების გასაჩივრების კანონიერი უფლება მოსარჩელე მხარეს განჩინების მიღებიდან, ხუთი დღის ვადაში აქვს.

შეგახსენებთ, რომ გასული წლის 23 დეკემბერს ეროვნული ოლიმპიური კომიტეტის საპრეზიდენტო არჩევნებში ლერი ხაბელოვმა ირაკლი მეძმარიაშვილი დაამარცხა. მოგვიანებით, მეძმარიაშვილმა თბილისის საქალაქო სასამართლოს არჩევნების შედეგების გაუქმების მოთხოვნით მიმართა.