ხვალ გახდება ცნობილი კრიტერიუმები და ინდიკატორები, რომელთა მიხედვით საზოგადოებრივი მაუწყებლის საქმიანობის შეფასება მოხდება. შესაბამის სამუშაო დოკუმენტს სამეურვეო საბჭო წარმოადგენს.

ერთი დღით ადრე ტელევიზიის მენეჯმენტი საზოგადოების წარმომადგენლებს შეხვდა. გენერალურმა დირექტორმა მათ მაუწყებლის გარდაქმნის და განვითარების ხედვა გააცნო.

შეხვედრის მონაწილეები ტელევიზიის განვითარების გარშემო დისკუსიის დაწყებას მიესალმებიან და მაუწყებელში ცვლილებების აუცილებლობაზე საუბრობენ.

დღესვე ვრცელდება მაუწყებლის აღმასრულებელი საბჭოს განცხადება. წერილის მიხედვით, ტელევიზიამ აირჩია გზა, რომელიც ყველაზე მეტად უზრუნველყოფს გამჭვირვალობას, სამართლიანობას, კონსენსუსს და თანამშრომელთა უფლებების დაცვას.