არის თუ არა ირაკლი მამალაძე დეკანოზის საქმის მთავარი მოწმე, ამას ბრალდებული სასულიერო პირის ადვოკატი ცვერ ადასტურებს, თუმცა აცხადებს, რომ დეკანოზის წინააღმდეგ პროკურატურისთვის ინფორმაციის მიწოდება მოწმეს რაღაცამ აიძულა.
გიორგი ფანცულაიას განმარტებით, მოწმეებისა და მტკიცებულებების შესახებ ინფორმაციას ვერ გაასაჯაროებს, რადგან გაუხმაურებლობის შესახებ დოკუმენტზე აქვს ხელის მოწერილი.
ადვოკატი იმედოვნებს, რომ პროკურატურა მის მოთხოვნას დააკმაყოფილებს და მას საქმის დეტალებზე საჯაროდ საუბრის უფლება მიეცემა.
ადვოკატმა „მოამბესთან“ ასევე დეკანოზის ჯანმრთელობის რთულ მდგომარეობაზე ისაუბრა.
პროკურატურამ საპატრიარქოს ქონების მართვის სამსახურის ხელმძღვანელი, დეკანოზი გიორგი მამალაძე მკვლელობის მომზადების ბრალდებით დააკავა.
უწყების ცნობით, დეკანოზი მაღალი იერარქიის სასულიერო პირის ციანიდით მოწამვლას აპირებდა. პროკურატურა არ აკონკრეტებს, ვის მკვლელობას ამზადებდა საპატრიარქოს ქონების მართვის სამსახურის ხელმძღვანელი. დეკანოზი გიორგი მამალაძე წარდგენილ ბრალდებას არ აღიარებს.