ერთი ვერცხლის და სამი ბრინჯაოს მედალი-ასეთი შედეგით დაასრულა საქართველოს ძიუდოისტთა ნაკრებმა, პარიზის გრანდ სლემი.
81 კილოგრამ წონით კატეგორიაში, ჩემპიონობამდე მცირედი დააკლდა ზებედა რეხვიაშვილს, რომელმაც გადამწყვეტ შეხვედრაში, ჰოლანდიელ ფრანკ დე ვიტთან დამატებიდ დროში წააგო. მესამე ადგილები კი ამირან პაპინაშვილმა, ვაჟა მარგველაშვილმა და ვარლამ ლიპარტელიანმა მოიპოვეს.
აღსანიშნავია, რომ ლიპარტელიანმა ბრინჯაოს მედლისთვის ბრძოლა, მოტეხილი თითით ჩაატარა, თუმცა ჰოლანდიელი მიხაელ კორელის დამარცხება მაინც შეძლო და კარიერაში პარიზის გრანდ სლემზე თავისი მეხუთე მედალი მოიპოვა.
საბოლოოდ, საქართველოს ნაკრებმა, 53 ქვეყანას შორის, გუნდურში, მეხუთე ადგილი დაიკავა. ქართველი ძიუდოისტები დიუსელდორფის გრანპრისთვის დაიწყებენ მზადებას, რომელიც 24-დან 26 თებერვლის ჩათვლით გაიმართება.