შვეიცარიამ საგადასახადო რეფორმას მხარი არ დაუჭირა, რომელიც უცხოელი ინვესტორებისთვის, მოგების გადასახადის მკვეთრი ზრდის პრევენციას გულისხმობდა და ბიზნესი მას დადებითად აფასებდა, თუმცა, ამ საკითხზე ჩატარებულ რეფერენდუმზე, მონაწილეთა 59-მა პროცენტმა ხმა რეფორმის წინააღმდეგ მისცა.
შესაბამისად, შვეიცარიის მთავრობამ ახალი ალტერნატიული რეფორმა უნდა მოიფიქროს, რასაც, სავარაუდოდ, ერთი წელი დასჭირდება. შვეიცარიაში დღეს მოქმედი საგადასახადო სისტემის მიხედვით, რეგიონებს უფლება აქვთ უცხოელ ინვესტორებს, ადგილობრივ კომპანიებზე დაბალი გადასახადი შესთავაზონ, რაც საერთაშორისო ორგანიზაციებს, როგორიცაა ეკონომიკური თანამშრომლობისა და განვითარების ორგანიზაცია, მიუღებლად მიაჩნიათ და შვეიცარიამ აიღო ვალდებულება, აღნიშნული სისტემა 2019 წლამდე შეცვალოს.