ოზურგეთის რაიონის სოფელ დვაბზუში 40 წლამდე ასაკის მამაკაცი დაჭრეს. მას რამდენიმე ტყვია აქვს მოხვედრილი.

დაშავებული ოზურგეთის ცენტრალურ კლინიკურ საავადმყოფოშია გადაყვანილი. მისი ოპერაცია რამდენიმე წუთის წინ დასრულდა. ექიმების ინფორმაციით, დაშავებულს მრავლობითი ცეცხლნასროლი ჭრილობა აღენიშნებოდა, მათ შორის დაზიანებული ჰქონდა შინაგანი ორგანოები. ოპერაციის შემდეგ, დაშავებულის მდგომარეობა სტაბილურად მძიმეა. ის რეანიმაციულ განყოფილებაშია გადაყვანილი და ექიმების მეთვალყურეობის ქვეშ იმყოფება.

როგორც საზოგადოებრივს შსს-ში განუცხადეს, საქმეზე გამოძიება სსკ-ის 19-108 მუხლით მიმდინარეობს, რაც განზრახ მკვლელობის მცდელობას გულისხმობს.