აფხაზეთის ომის ვეტერანები სოზარ სუბართან შეხვედრას გეგმავენ. დევნილთა სამინისტროს ბალანსზე მყოფ ახლადაშენებულ კორპუსთან ისინი გუშინ შეიკრიბნენ. მათი განცხადებით, ჰქონდათ ინფორმაცია, რომ შენობა ავარიულია და მასში დევნილების განთავსება აღარ იგეგმებოდა, ამიტომ 18-მა ოჯახმა ბინები დაიკავა და უახლოეს პერიოდში შესახლებას სხვებიც გეგმავდნენ. მათი თქმით, კორპუსში უკვე რამდენიმე თვეა ცხოვრობენ, თუმცა დღეს სამინისტრომ დაცვა გააძლიერა და მათ შენობის დატოვება მოსთხოვა.
ადგილზე ოკუპირებული ტერიტორიებიდან იძულებით გადაადგილებულ პირთა სამინისტროს წარმომადგენელიც იმყოფებოდა. მისი განცხადებით, შენობაში დევნილების შესახლება უახლოეს პერიოდში იგეგმება და იქ უცხო პირებს არასდროს უცხოვრიათ.
ვეტერანები ორშაბათს ამ საკითხის გასარკვევად სოზარ სუბართან შეხვედრას გეგმავენ.