დღეს, მაყურებელი ყველაზე აზარტული ლიტერატურული შოუს კულმინაციას იხილავს.

საზოგადოებრივი მაუწყებლის გადაცემის „წიგნების თარო“ ფინალი 16:30-ზე გავა ეთერში. მეორე სეზონი რეკორდებითა და დაძაბული თამაშებით იყო გამორჩეული, დღეს კი გადაცემის გულშემატკივარს მოულოდნელი, ემოციური და თავბრუდამხვევი შეხვედრა ელის, რომელშიც ერთმანეთს ანდრია რაზმაძის სახელობის ქუთაისის 41-ე საჯარო სკოლა და თბილისის პირველი ექსპერიმენტული საჯარო სკოლა დაუპირისპირდებიან.

გამარჯვებული სკოლის გუნდი დიდი ბრიტანეთის, კემბრიჯის საზაფხულო სკოლაში გაემგზავრება.

მეორე სეზონის გამარჯვებულის გამოვლენასთან ერთად, „წიგნების თარო“ მესამე სეზონისთვის რეგისტრაციასაც აცხადებს.

განაცხადების მიღება 13 თებერვლიდან დაიწყება და 10 დღის განმავლობაში გაგრძელდება.