საკალათბურთო ევროლიგაში გუშინ მორიგი ტურის ხუთი შეხვედრა ჩატარდა. "ბასკონიამ" კვლავ თორნიკე შენგელიას გარეშე ითამაშა. ქართველ კალათბურთელს ტრავმა აქვს. ესპანურმა გუნდმა სტუმრად თელ-ავივში, ადგილობრივ "მაკაბისთან" 84-85 დათმო თამაში.
უნდა აღინიშნოს, რომ „მაკაბი“ ბოლო მეოთხედის წინ 14 ქულას იგებდა, თუმცა უკანასკნელი წამები საკმაოდ დრამატული გამოდგა, სტუმრებმა ბოლომდე იბრძოლეს და მხოლოდ ქულა წააგეს.
"მაკაბიში" 21 ქულით, საუკეთესო გუნდის ამერკელი ლეგიონერ, გაუდლოკი გახლდათ. 18 ქულა გააკეთა ლანდესბერგმა.
"ბასკონიაში" კი, იტალიელი ანდრეა ბარნიანი გამოირჩეოდა 17 ქულით. ამ წაგების შემდეგ ბასკური კლუბი სატურნირო ცხრილში მეშვიდე ადგილამდე ჩამოქვეითდა, თუმცა პლეიოფის ზონაში იმყოფება.
მაკაბი კი მე13-ე პოზიციაზეა. დღეს 22-ე ტურის დარჩენილი სამი შეხვედრა გაიმართება.