ამერიკული რაკეტსაწინააღმდეგო ფარის ელემენტების განთავსების გამო, რუსეთი რუმინეთს საფრთხედ და ნატო-ს საგუშაგოდ განიხილავს – ამის შესახებ სააგენტო „ინტერფაქსს“ რუსეთის საგარეო საქმეთა სამინისტროში განუცხადეს.

რუსეთის საგარეო უწყებაში რუმინეთის ხელისუფლებას მოსკოვის საწინააღმდეგო რიტორიკის გამოხატვაში ადანაშაულებენ. რუსეთის ხელისუფლება ფიქრობს, რომ ნატო-ს სამხედრო ინფრასტრუქტურა სწორედ მოსკოვის წინააღმდეგ არის მიმართული.

ვაშინგტონის მტკიცებით, ანტისარაკეტო ფარის დაყენების მიზანი ირანული რაკეტების განეიტრალებაა.