ატვირთვა
ავტორიზაცია რეგისტრაცია
5 107 904
ნახვა
345
ხელმომწერი
23 824
ვიდეო

ანა დოლიძის განცხადება

გაზიარება
თებერვალი 9, 2017
99
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

"მოსმენების შესახებ კანონპროექტის დამტკიცების შემთხვევაში პრეზიდენტი დაადებს თუ არა ვეტოს, ამ საკითხზე ფიქრი ნაადრევია", -ეს განცხადება პრეზიდენტის საპარლამენტო მდივანმა ანა დოლიძემ კამპანია „ეს შენ გეხებას“ წარმომადგენლებთან შეხვედრის შემდეგ გააკეთა.

"პარლამენტში ინიცირებული კანონპროექტი რამდენიმე პრობლემურ დებულებას შეიცავს, დეპარტამენტი, რომელიც მოსმენების გასაღებს ფლობს, შესაბამისად დამოუკიდებელი და შესაბამისი კონტროლის ქვეშ უნდა იყოს", - განაცხადა დოლიძემ.

პრეზიდენტის საპარლამენტო მდივანმა ოფიციალური კონსულტაციებისთვის ყველა საპარლამენტო ფრაქციას წერილები დღეს გადაუგზავნა.

კამპანია „ეს შენ გეხებას" წარმომადგენლების შეფასებით, მოსმენებთან დაკავშირებით შემუშავებული კანონპროექტი საკონსტიტუციო სასამართლოს გადაწყვეტილებას ეწინააღმდეგება, უკანონო მოსმენების საფრთხე კვლავ არსებობს და პარლამენტმა ამ ფორმით არ უნდა მიიღოს.

„ახალგაზრდა იურისტთა ასოციაციის“ წარმომადგენლის გიორგი გოცირიძის განცხადებით, ე.წ. გასაღები იმ ორგანოს ხელში არ უნდა იყოს, რომელსაც საგამოძიებო ფუნქციები აქვს.

მისი თქმით, შემუშავებული პაკეტის მიხედვით მოსმენებს კვლავ სუს-ი გააკონტროლებს.

"საერთაშირისო გამჭვირვალობა საქართველოს" წარმომადგენლის ლიკა საჯაიას განცხადებით, არასამთავრობო სექტორი კვლავ დამოუკიდებელი სააგენტოს შექმნას ითხოვს. საჯაიას თქმით,უმრავლესობის მიერ შემოთავაზებულ ვარიანტში ახალი არაფერია, დეპარტამენტი საჯარო იურიდიულ პირად გადაკეთდა, თუმცა კვლავ სუს-ს ექვემდებარება.

პარლამენტი მოსმენების შესახებ კანონპროექტის განხილვას ხვალიდან იწყებს.



მაჩვენე მეტი