ლაშა ნაცვლიშვილი ნიკა გვარამიასთვის ბიძინა ივანიშვილის ფარული ჩანაწერების მისყიდვის შეთავაზებას უარყოფს. მთავარი პროკურორის ყოფილმა მოადგილემ, მის მიმართ გამოთქმულ ბრალდებებს უპასუხა.

მისი თქმით, „რუსთავი 2-ის“ გენერალური დირექტორი სასამართლო ხელისუფლების მიმართ ზეწოლას ახორციელებს და სწორედ ამ მოსაზრების გაჟღერების გამო ნაცვლიშვილი დაადანაშაულეს.

გუშინ, „რუსთავი 2-ის“ ეთერში ნიკა გვარამიამ და დავით საყვარელიძემ განაცხადეს, რომ ლაშა ნაცვლიშვილი ბიძინა ივანიშვილის ფარულ აუდიოჩანაწერებს მილიონებად ყიდდა.

ეთერში გაჟღერებული ინფორმაციის და ლაშა ნაცვლიშვილის განმარტების შემდეგ, თემაზე კომენტარი ნიკა გვარამიას და საყვარელიძეს ჯერჯერობით არ გაუკეთებიათ.