საქართველოს პარლამენტის ქუთაისის სასახლის ფოიე, „საზოგადოებრივი მაუწყებლის“ ოპერატორის, სოფო ბობოხიძის ფოტონამუშევრების გამოფენას დაეთმო.
გამოფენის მოწყობის იდეა, სოფოს მეგობრებს ეკუთვნის, ფოტოგამოფენა კი საქართველოს პარლამენტის აპარატის ორგანიზებით შედგა.
"მოამბის" ოპერატორი, 27 წლის სოფო ბობოხიძე, რამდენიმე თვის წინ ქუთაისში საკუთარ სახლში გარდაცვლილი იპოვეს. სოფო ბობოხიძე "მოამბეში" 2013 წლიდან მუშაობდა და არაერთი რეპორტაჟი აქვს მომზადებული.
გამოფენა პარლამენტის შენობაში სასესიო კვირის განმავლობაში გაგრძელდება და დეპუტატებს, თანამშრომლებსა და პარლამენტის სტუმრებს შესაძლებლობა ექნებათ, სოფოს თვალით დანახულ და მის ფოტოებზე ასახულ სამყაროს, ადამიანებს და ოპერატორის და ფოტოხელოვანის პროფესიის ხიბლს, სირთულეებს გაეცნონ.