გრძელდება ნაციონალური საკალათბურთო ასოციაციის რეგულარული სეზონი. დღეს დილით გამართული შეხვედრებიდან, ყველაზე საინტერესო, ვერიზონ ცენტრში ჩატარებული მატჩი გამოდგა, რომელშიც "ვაშინგტონ უიზარდსმა" მოქმედ ჩემპიონს "კლივლენდ კავალიერსს" უმასპინძლა.

თამაშის განმავლობაში ლიდერი არაერთხელ შეიცვალა. ძირითად დროში გამარჯვებული ვერ გამოვლინდა. ლებრონ ჯეიმსმა ურთულესი სიტუაციიდან, პრაქტიკულად სირენასთან ერთად ჩააგდო ბურთო და მატჩი ოვერტაიმში გადაიყვანა.

დამატებულ ხუთწუთიან მონაკვეთში კი სტუმრებს უფრო გაუმართლა და შეხვედრა საბოლოოდ, ანგარიშით 140-135 მოიგეს. ლებრონმა 32 ქულასთან ერთად 17 ზუსტი გადაცემა და 7 მოხსნა გააკეთა.

კევინ ლავის მონაგარმა, 39 ქულა და 12 მოხსნა შეადგინა. ხოლო შეხვედრის ბომბარდირი ვაშინგტონელი ბრედლი ბილი გახდა 41 ქულით. "კავალიერსი" აღმოსავლეთ კონფერენციას ლიდერობს. "ვიზარდსი" კი ამ ეტაპზე, საუკეთესო ოთხეულში იმყოფება.