იაპონური ავტომწარმოებლები "ტოიოტა" და "სუზუკი" პარტნიორობას გეგმავენ და ამ მიმართულებით მოლაპარაკებების დაწყებას უკვე ოფიციალურად აანონსებენ.

პარტნიორობის ფორმატი გულისხმობს ერთობლივ შესყიდვებს, ასევე ე.წ. მწვანე ავტომობილების და ტექნოლოგიების განვითარებას ერთიანი ძალისხმევით.

ასეთი თანამშრომლობა შედარებით მცირე ზომის ავტომობილების მწარმოებლ "სუზუკს" "ტოიოტას" ტექნოლოგიებზე წვდომის საშუალებას მისცემს, ხოლო "ტოიოტა", რომელიც მსოფლიოს რიგით მეორე უმსხვილესი ავტომწარმოებელია, ინდოეთის მიმზიდველ ბაზარზე "სუზუკის" დომინანტური პოზიციით ისარგებლებს.