გიორგი შერმადინის მორიგი შთამბეჭდავი მატჩი ესპანეთის საკალათბურთო ჩემპიონატში. შერმადინის და ბექა ბურჯანაძის „ანდორამ“ გუშინ მორიგი ტურის შეხვედრაში, თორნიკე შენგელიას „ბასკონიას“ უმასპინძლა.

თავიდანვე უნდა აღინიშნოს, რომ სტუმარი გუნდის შემადგენლობაში, შენგელიას ტრავმის გამო არ უთამაშია. რაც შეეხება „რივერ ანდრიას“, ქართველ მოთამაშეებს მათი კარგი ასპარეზობის მიუხედევად, მასპინძლებმა 81-92 წააგეს. შერმადინი, რომელიც ანდორელთა ლიდერია, ორივე გუნდის კალათბურთელებს შორის, კვლავ გამორჩეული იყო. გიორგიმ, 25 წუთში, 25 ქულა და 8 მოხსნა გააკეთა. მან 12-დან 8 ორქულიანი და 9-დან 9 საჯარიმო ტყორცნა გამოიყენა. ბექა ბურჯანაძემ, აქტივში 11 ქულა ჩაიწერა. ამ წაგების მიუხედავად, „ანდორა“ მერვე ადგილით, ლიგა ენდეზაში, პლეი-ოფის ზონაში რჩება. „ბასკონია“ კი ამ ეტაპზე საუკეთესო ოთხეულში იმყოფება.