როგორ უნდა მოხდეს საზოგადოებრივი მაუწყებლის კრიზისიდან გამოყვანა?- ამ თემაზე საჯარო განხილვები იწყება.
მაუწყებლის გენერალურმა დირექტორმა და აღმასრულებელი საბჭოს წევრებმა, დღეს, მაუწყებლის გარდაქმნისა და განვითარების სამწლიანი გეგმა წარადგინეს.
დოკუმენტში მაუწყებელში არსებულ მძიმე ვითარებაზეა საუბარი და პრობლემების მოგვარების ნაბიჯებია გაწერილი.
დღეს, მწვავე განხილვის მთავარი თემა რეფორმის ორი პუნქტი გახდა - თანხების მობილიზებისთვის საინფორმაციო გამოშვებების გარდა ყველა გადაცემის შეჩერება და თანამშრომლების რაოდენობის ოპტიმიზაცია. თუმცა გენერალური დირექტორის განცხადებით, ამ ეტაპზე გადაცემების დახურვა და თანამშრომელთა გათავისუფლება არ მოხდება, რადგან განვითარების გეგმა საზოგადოების ჩართულობით დისკუსიების შედეგად ბორდმა უნდა დაამტკიცოს.