საკუთარი მოქალაქის დასახმარებლად, საერთაშორისო თანამეგობრობის იმედი აქვს ოფიციალურ თბილისს. ოკუპირებული ცხინვალის ე.წ. სასამართლომ, გასული წლის ივნისში დაკავებულ გიორგი გიუნაშვილის 20 წლიანი პატიმრობა მიუსაჯა. დე ფაქტო რეჟიმი მას დივერსიულ-ტერორისტულ საქმიანობას ედავება. ბრალდებას აბსურდულს უწოდებენ საქართველოს სახელმწიფო უწყებები და უკანონო პატიმრის ოჯახის წევრები. ოფიციალური თბილისი არსებულ მოცემულობასთან შერიგებას არ გეგმავს და ყველა საერთაშორისო მექანიზმის გააქტიურებას აპირებს.