საქართველო-ჩინეთის ტექნიკური თანამშრომლობის პროექტის ფარგლებში აშენებული სადემონსტრაციო სასათბურე კომპლექსი დაათვალიერეს სოფლის მეუნეობის მინისტრმა და ჩინეთის ელჩმა საქართველოში. პროექტი სასათბურე მეურნეობების განვითარებას და საწარმოო პოტენციალის ზრდას ისახავს მიზნად. სადემონსტრაციო სათბურებში, ქართველ ფერმერებს საშუალება აქვთ მიიღონ თეორიული და პრაქტიკული ცოდნა ბოსტნეულის მოვლა-მოყვანის თანამედროვე ტექნოლოგიებზე, მზის სათბურების მშენებლობის სპეციფიკასა და მართვის საკითხებზე. 300-მდე ადგილობრივი ფერმერისთვის საქართველოსა და ჩინეთში 6 სასწავლო კურსი ჩატარდა.