ფრენკ ლამპარდმა 21-წლიანი საფეხბურთო კარიერა დაასრულა. ამის შესახებ ინგლისელმა ფეხბურთელმა გუშინ ოფიციალურად განაცხადა.

38 წლის ლამპარდი ბოლო, ემელესში, ნიუ იორკ სიტის ღირსებას იცავდა, თუმცა მისი სახელი, რა თქმა უნდა, ლონდონის ჩელსის უკავშირდება.

ფრენკი არისტოკრატთა ღირსებას 13 წლის განმავლობდაში იცავდა და დიდი ხნის განმავლობაში, ამ გუნდის კაპიტანი და სიმბოლო გახლდათ.

ლამპარდი 177 გატანილი გოლით, პრემიერლიგის ყველა დროის ბობმარდირებში, ნახევარმცველებს შორის საუკეთესოა. ხოლო საერთო ჩათვლაში მხოლოდ ალან შირერს, უეინ რუნის და ენდი კოულს ჩამორჩება.

ინგლისის ნაკრებში ჩატარებულ 109 შეხვედრაში გატანილი აქვს 29 გოლი. გავრცელებული ინფორმაციის თანახმად, არ არის გამორიცხული, ლამპარდმა სამწვრთნელო კარიერა დაიწყოს და ჩელსის ახალგაზრდულ გუნდს ჩაუდგეს სათავეში.