გრძელდება საკალათბურთო ევროლიგის ჯგუფური ეტაპი. გუშინ ტურის და სეზონის ერთ-ერთი პრინციპული მატჩი სტამბოლის ულქერ არენაზე შედგა, სადაც ფენერბახჩემ მოსკოვის ცეეკსას უმასპინძლა.

ორივე გუნდი მიმდინარე სეზონის მთავარი ფავორიტია და ბუნებრივია, შეხვედრამ უდიდესი ინტერესი გამოიწვია.

შარშანდელი ფინალისტების დაპირისპირება, როგორც მოსალოდნელი იყო, დაძაბული და საინტერესო გამოვიდა.

გარდამტეხი თამაშის მესამე მეოთხედი აღმოჩნდა, რომელშიც სტამბოლელებმა 24-11 გაიმარჯვეს. ბოლო 10- წუთიან მონაკვეთში ობრადოვიჩის გუნდმა შანსი ხელიდან აღარ გაუშვა და 77-71 დაამარცხა ერთ-ერთი მთავარი კონკურენტი.

ფენერის შემადგენლობაში საუკეთესო, ეკპე უდო გახლდათ, რომელმაც ორმაგი დუბლი შეასრულა, 15 ქულა და 11 მოხსნა.

ფენერბახჩე ამ ეტაპზე სატურნირო ცხრილში მეოთხე ადგილზეა, ცეესკა ჯერჯერობით მეორე პოზიციაზეა. ლიდერი კი მადრიდის რეალია, რომელიც დღეს სტუმრად თორნიკე შენგელიას ბასკონიას დაუპირისპირდება.