შინაგან საქმეთა მინისტრი „ბრითიშ პეტროლიუმის“ წარმომადგენლებს შეხვდა. გიორგი მღებრიშვილმა და კომპანიის გენერალურმა მენეჯერმა საქართველოს ტერიტორიაზე არსებული მილსადენების უსაფრთხოების საკითხები, რისკების კონტროლისა და რეაგირების მექანიზმები განიხილეს. გაფორმებულია ხელშეკრულებები „ბაქო-თბილისი-ჯეიჰანის“ პროექტის, სამხრეთ-კავკასიური მილსადენის პროექტის, დასავლეთის მიმართულების საექსპორტო მილსადენის და სუფსის ტერმინალზე განთავსებული მისი კუთვნილი ობიექტების უშიშროების უზრუნველყოფის თაობაზე და ბაქო-თბილისი-ჯეიჰანის მილსადენის პროექტისთვის, უშიშროების აღჭურვილობის, ობიექტების და ოპერირების დაფინანსების უზრუნველყოფის შესახებ.