29 აპრილს ლონდონის უემბლის სტადიონზე დიდი ბრძოლა გაიმართება. კრივში, სუპერმძიმე წონით კატეგორიაში ევბეოს და აიბიეფის ვერსიებით, მსოფლიოს ჩემპიონის ქამარი გათამაშდება.

ტიტულისთვის უკრაინელი ვლადიმერ კლიჩკო და ბრიტანელი ენტონი ჯოშუა იბრძოლებენ.

შეგხსენებთ, რომ მოქმედი ჩემპიონი 41 წლის კლიჩკო გახლავთ, რომელიც მსოფლიოს ჩემპიონის მესამე ტიტულისთვის იბრძოლებს.

რაც შეეხება მის მეტოქეს. ახალგაზრდა ჯოშუას, პროფესიულ რინგზე 18 შეხვედრა აქვს ჩატარებული და 18-ვე ნოკაუტით მოიგო.

ორთაბრძოლაზე დასასწრები 80 ათასი ბილეთი რამდენიმე საათში გაიყიდა. ვარაუდობენ რომ ამ დაპირისპირების საყურებლად უემბლიზე 90 ათასი გულშემატკივარი შეიკრიბება, რაც ინგლისის ისტორიაში კრივზე დასწრების რეკორდი იქნება. ბილეთების ფასი 50-დან 2500 დოლარამდე მერყეობდა.