გაეროს უშიშროების საბჭო უკრაინის აღმოსავლეთით ვითარების გამწვავების გამო შეშფოთებას გამოთქვამს და მხარეებს ცეცხლის დაუყოვნებლივ შეწყვეტისკენ მოუწოდებს.
საბჭომ საგანგებო სხდომაზე დაგმო მინსკის შეთანხმების აკრძალული შეიარაღების გამოყენების ფაქტი, რასაც შედეგად ადამიანური მსხვერპლი მოჰყვა.
გაეროს უშიშროების საბჭოს დახურული შეხვედრა უკრაინული მხარის მოთხოვნის საფუძველზე შეიკრიბა.
2 თებერვალს კი საბჭო ღია სხდომას გამართავს, რომელიც დონბასში არსებული ვითარების განხილვას მიეძღვნება.
მხარეებს ცეცხლის შეწყვეტისკენ მოუწოდებს შეერთებული შტატების სახელმწიფო დეპარტამენტიც.
რამდენიმე საათის წინ, გავრცელებული იფნორმაციით კი, უკრაინის აღმოსავლეთ რეგიონებში სროლის ხმა ისევ ისმის. უკრაინული მედიის ინფორმაციით, ღამით სროლის შედეგად ერთი უკრაინელი სამხედრო დაიღუპა.