სპიკერების პროგრამის ფარგლებში, დღეს, დავით აღმაშენებლის სახელობის საქართველოს ეროვნულ თავდაცვის აკადემიაში ევროკავშირის სადამკვირვებლო მისიის ხელმძღვანელი, ელჩი კესტუტის იანკაუსკასი იმყოფებოდა. მისიის ხელმძღვანელმა ეროვნული თავდაცვის აკადემიის იუნკერებისა და სამხედრო ინსტრუქტორებისთვის ლექცია წაიკითხა თემაზე: „ევროკავშირის სადამკვირვებლო მისია ევროპის უსაფრთხოებისა და თავდაცვის კონტექსტში“.
ლექციის მსვლელობისას ელჩმა ევროკავშირის საერთო უსაფრთხოებისა და თავდაცვის პოლიტიკაზე ისაუბრა, მან ყურადღება ასევე, გაამახვილა საქართველოში ევროკავშირის სადამკვირვებლო მისიის არსებობის მნიშვნელობაზე.
სტუმარმა ლექცია კითხვა-პასუხის რეჟიმით დაასრულა. მომავალი ოფიცრების შეკითხვები ძირითადად ქვეყანაში სადამკვირვებლო მისიის საქმიანობას ეხებოდა.