უმსხვილესი გერმანული დოიჩე ბანკი რუსეთში ფულის გათეთრების ოპერაციების ჩატარებისთვის შეერთებული შტატებისა და დიდი ბრიტანეთის მარეგულირბელებმა 630 მილიონი დოლარით დააჯარიმა. აქედან 425 მილიონს ბანკი ნიუ-იორკის, ხოლო 204 მილიონ დოლარს გაერთიანებული სამეფოს მარეგულირებელს გადაუხდის.
ფულის გათეთრების სქემის მიხედვით, „დოიჩე ბანკის“ კლიენტებმა 2011-2015 წლებში რუსეთიდან 10 მილიარდი დოლარი უკანონოდ გაიტანეს აქციების ე.წ. სარკისებრი ყიდვა-გაყიდვის გზით. აქციებით ვაჭრობას „დოიჩე ბანკი“ მოსკოვის, ლონდონისა და ნიუ-იორკის ოფისების მეშვეობით ახორციელებდა.
მარეგულირბელები თვლიან, რომ „დოიჩე ბანკის“ მენეჯმენტს შეეძლო ამ დარღვევის გამოვლენა და შეჩერება, მაგრამ არ გააკეთა.
„დოიჩე ბანკის“ ხელმძღვანელობა თანამშრომლობს მარეგულირებლებთან და ჯარიმის გადახდაზეც თანახმაა.
ორი კვირის წინ დოიჩე ბანკი 2008 წლის ფინანსური კრიზისის გამომწვევი დარღვევების გამო, შტატებში 7. 2 მილიარდი დოლარით დაჯარიმდა.